ചേരുവകള്‍
പനീര്‍ – 200 ഗ്രാം
ബട്ടര്‍ – 6 ടേബിള്‍ സ്പൂണ്‍
തക്കാളി (ചെറുതായി അരിഞ്ഞത്) – 2 എണ്ണം
ഇഞ്ചി-വെളുത്തുള്ളി പേസ്റ്റ് – 1 ടേബിള്‍ സ്പൂണ്‍
പച്ചമുളക് (നീളത്തില്‍ കീറിയത്) – 2 എണ്ണം
സവാള (ചെറുതായി അരിഞ്ഞത്) – അര കപ്പ്
മല്ലിപ്പൊടി – 1 ടേബിള്‍ സ്പൂണ്‍
മഞ്ഞള്‍ പൊടി – ആവശ്യത്തിന്
കുരുമുളക് പൊടി – അര ടീസ്പൂണ്‍
മുളക് പൊടി – അര ടീസ്പൂണ്‍
ഗരം മസാല – 1 ടീസ്പൂണ്‍
കറിവേപ്പില – 1 തണ്ട്
മല്ലിയില – ആവശ്യത്തിന്
തേങ്ങയുടെ ഒന്നാം പാല്‍ – 1 കപ്പ്
ഇളം ചൂട് വെള്ളം – ആവശ്യത്തിന്
തയ്യാറാക്കുന്ന വിധം
പനീര്‍ ചെറിയ ചതുര കഷ്ണങ്ങളായി മുറിക്കുക. ഒരു പാനില്‍ നാലു ടേബിള്‍ സ്പൂണ്‍ ബട്ടര്‍ ചൂടാക്കിയ ശേഷം ഇളം ബ്രൗണ്‍നിറം ആകുന്നതു വരെ പനീര്‍ വറുത്തെടുക്കുക. കഷ്ണങ്ങള്‍ തമ്മില്‍ ഒട്ടിപ്പിടിക്കാതിരക്കാന്‍ ശ്രദ്ധിക്കണം. വറുത്ത പനീര്‍ കഷ്ണങ്ങള്‍ കോരി മാറ്റി വെക്കുക.
രണ്ടു ടേബിള്‍ സ്പൂണ്‍ ബട്ടര്‍ കൂടി ചേര്‍ത്ത് ചൂടാക്കി സവാളയും കറിവേപ്പിലയും പച്ചമുളകും ഇഞ്ചി-വെളുത്തുള്ളി പേസ്റ്റും ചേര്‍ത്ത് വഴറ്റുക. അല്പം മൂത്ത ശേഷം തക്കാളി കൂടി ചേര്‍ത്തിളക്കുക. ഇതിലേക്ക് എടുത്തുവെച്ച മസാല പൊടികളെല്ലാം ചേര്‍ത്ത് ഇളക്കുക. വറുത്ത പനീര്‍ കഷ്ണങ്ങള്‍ ഇതിലേക്ക് ചേര്‍ത്തിളക്കുക. കഷ്ണങ്ങള്‍ മുങ്ങിക്കിടക്കാന്‍ പാകത്തില്‍ ഇളം ചൂടുവെള്ളം ഒഴിച്ച് ആവശ്യത്തിന് ഉപ്പ് ചേര്‍ക്കുക. 10 മിനിട്ടോളം വേവിക്കുക.
ശേഷം തേങ്ങാപ്പാല്‍ ചേര്‍ത്ത് നന്നായി ഇളക്കി ആവശ്യത്തിന് കുറുകുന്നത് വരെ വറ്റിക്കുക. മല്ലിയില ഇട്ട ശേഷം അടുപ്പില്‍ നിന്ന് ഇറക്കി വെക്കുക. പനീര്‍ ബട്ടര്‍ മസാല റെഡി.
